काठमाडौ । पूर्व युवराज पारश शाह र पूर्व युवराज्ञी हिमानी शाहका छोरा हृदयन्द्र प्राय जसो सार्वजनिक कार्यक्रममा हजूरबुवा ज्ञानेन्द्र शाह र आमा हिमानीका साथमा देखिन्छन् । भर्खर १७ वर्ष लागेका उनी शनिबार एक सामाजिक कार्यक्रममा आमासँग देखिए ।
पूर्व युवराज्ञी हिमानी शाह र चर्चित नायिका मनिषा कोइराला एकसाथ सार्वजनिक कार्यक्रममा देखा परेका छन् । कोइराला हिमानीसँग देखिँदा धेरैलाई अचम्म लागेको छ । शनिबार विहान हिमानी ट्रष्टकी अध्यक्ष समेत रहेकी पूर्व युवराज्ञी हिमानीले प्राथमिक बिद्यालयमा अध्ययनरत बालबालिकालाई शैक्षिक सामाग्री बितरण गरेकी हुन् ।
काठमाडौको सिद्धेश्वर माध्यमिक बिद्यालयमा अध्ययनरत बालबालिकालाई शैक्षिक सामाग्री बितरण गरिएको उक्त कार्यक्रममा हिमानी र मनिषाले एकसाथ स्टेज सेयर गरे । गरिबीका कारण बालबालिका पढ्नबाट बन्चित नहुन भन्ने उद्धेश्यले हिमानी ट्रष्टले आज एक कार्यक्रमकाबीच बालबालिकालाई शैक्षिक सामाग्री बितरण गरेको हो ।
ट्रष्टले स्कुल ब्याग, कपी, पुस्तकसहित शैक्षिक सामाग्री बितरण गरेको हो । ट्रष्टले ग्रामीण दुरदराजमा रहेका बालबालिकालाई बिद्यालयजाने बातावरण बनाउन बिभिन्न सहयोगसमेत गर्दे आएको छ । ट्रष्टले शिक्षा, स्वास्थ्यको क्षेत्रमा कार्यक्रम सञ्चालन गर्दे आएको छ ।
बलिउड नायिका मनिषा कोइराला पनि कार्यक्रममा उपस्थित थिईन् । लायन्स ब्लब अफ काठमाडौँ युनिक र हिमानी कोषको संयुक्त आयोजनामा शैक्षिक सामग्री वितरण गर्नुको साथै रक्तदान एवम् स्वास्थ्य परीक्षण शिवीर पनि संचालन गरिएको थियो । हिमानी कोष सामाजिक कार्यमा सक्रिय रहँदै आएको छ ।
त्यस्तै हिमानी कोष तथा लायन्स कल्ब अफ काठमाडौँले शनिबार तीनकुनेमा आयोजना गरेको रक्तदान तथा शैक्षिक सामग्री वितरण कार्यक्रममा देखिएका हृदयन्द्रको मूहार हसिलो र चम्किलो देखिन्थ्यो ।
कार्यक्रममा हृदयन्द्रले रक्तदान गर्ने इच्छा व्यक्त गरेका थिए तर चिकित्सकले उमेर नपुगेको सल्लाह दिएपछि उनले रक्तदान गरेनन् । हृदयन्द्र हाल कंलकीस्थित लिंकन कलेजमा कक्षा १२ मा पढिरहेका छन् ।
