यस्ता लक्षणहरू देखिए मृगौलामा स, मस्या भएको हुन सक्छ..त्यसैले सतर्क हुन आवश्यक…

मृगौलामा हुने समस्या वा रोग समयमै पहिचान भएन भने यो घातक हुन सक्छ ।

शरीरबाट फोहोर र विषाक्त हटाउन मद्दत गर्ने मृगौला शरीरको मुख्य अङ्गमध्ये एक हो । दुबै मृगौला लाखौँ साना नेफ्रन नामक फिल्टर हुन्छन् । जसले रगतलाई सफा राख्न काम गर्छ । यदि मृगौलामा कुनै पनि प्रकारको समस्या भएमा विषाक्त पदार्थ शरीरबाट बाहिर निस्कन पाउँदैन, जसकारण शरीरमा धेरै रोग देखा पर्न सक्छ । यी रोगबाट बच्न, मृगौलामा समस्या भएमा देखिन सकिने लक्षण थाहा पाउनु जरुरी हुन्छ ।

– युरिन कार्यमा परिवर्तन : मृगौलामा समस्या हुन थालेपछि देखिने पहिलो र मुख्य लक्षण भनेको मृगौलाको कार्यमा बाधा पुगेर पिसाबमा देखिने परिवर्तन हो । मृगौलामा हुने केही प्रकारको समस्याको कारण पिसाबको रङ, मात्रा र दिनमा कति पटक पिसाब आउँछ, यी सबै चीज परिवर्तन हुन थाल्छ ।

– शरीर सुन्निने समस्या : मृगौलाको कार्यमा समस्या आउँदा, शरीरबाट बाहिर निस्कन नसक्ने फोहोर र तरल पदार्थले समस्या निम्त्याउँछ । जसले हात, खुट्टा, जोर्नीहरू, अनुहार र आँखामुनि वा शरीरका विभिन्न भाग सुन्निने हुन्छ ।

– रिँगटा लाग्ने र कमजोरी : मृगौलाले गर्नुपर्ने कार्यमा अवरोध हुँदा रिँगटा लाग्ने सम्भावना बढी हुन्छ । धेरैजसो समय शरीर थाकेको वा कमजोरी महसुस हुन्छ । यी लक्षण रगतको अभाव र शरीरमा फोहोर जमेको कारणले हुन्छ ।

– ढाड दुख्ने कारण बुझ्न असमर्थ भएमा : ढाड र पेटको पछाडि कुनै कारणविना दुखाइ भएमा मृगौलाको सङ्क्रमण वा मृगौलाको रोगको लक्षण हुन सक्छ ।

– छालामा समस्या र चिलाएमा : अचानक छालामा दाग, र्‍यासेज, छालामा परिवर्तन भएमा वा धेरै चिलाएका शरीरको फोहोर सङ्कलन भएको सङ्केत गर्न सक्छ । किड्नीको कार्यक्षमतामा ह्रास आउँदा शरीरमा क्याल्सियम र फस्फोरसको मात्रा प्रभावित हुन्छ, जसले अचानक चिलाउने समस्या उत्पन्न गर्छ । सामान्यतया स्वस्थ छाला पनि सुक्खा हुन, फुट्न र चिलाउन थाल्छ ।

– बान्ता : मृगौलाको समस्या भएमा परिणामस्वरूप बान्ता हुनु सामान्य लक्षणमध्ये एक हुन् । यसबाहेक ग्यास्ट्रिकसम्बन्धी समस्या पनि हरेक बिहान देखा पर्छ ।

– अत्यधिक चिसो लागेमा : मौसम राम्रो भए पनि अत्यधिक चिसो लाग्ने वा कहिले काहीँ चिसोका कारणले ज्वरो आउनु पनि मृगौलाको समस्या भएका देखिने लक्षणमा पर्छ ।

यदि माथि उल्लेखित कुनै पनि सङ्केत देखिएका मृगौलामा समस्या हुन सक्ने हुँदा ढिला नगरी तुरुन्त डाक्टरको सल्लाह लिनु एकदम महत्वपूर्ण हुन्छ ।

तपाईको प्रतिक्रिया

सम्बन्धित समाचार