अछाममा २२ वर्षीया युवती बनिन् कांग्रेस सभापति

धनगढीः अछाममा एक २२ वर्षीया युवती कांग्रेसको वडा सभापतिमा निर्वाचित भएकी छिन्। जिल्लाको मंगलसेन नगरपालिका-११ को वडा सभापतिमा २२ वर्षीया जानकी रावल निर्वाचित भएकी हुन्। 

रावल अछाममै कम उमेरमै कांग्रेसको वडा सभापति बनेकी छन्। उनलाई सभापति बनाउन अन्य दाबेदारले पनि साथ दिएका थिए। 

यस्तै युवा वर्गमा राजनीति तर्फ वितिष्णा बढेको बेलामा एकजना १९ वर्षीया किशोरीलाई सत्तारुढ नेपाली कांग्रेसले वडा समिति सभापतिमा निर्वाचित गरेको छ।

दैलेखस्थित कांग्रेसका स्वर्गीय नेता भुपेन्द्र महतकी छोरीसमेत रहेकी १९ वर्षीया स्वस्तिका महत दुल्लु नगरपालिका वडा नम्बर ३ मा सभापति निर्वाचित भएकी हुन्। युवा वर्गमा देखिएको राजनीति प्रतिको मोह भंगको अवस्थामा १९ वर्षकी किशोरी सभापति बनेको कुरालाई सकारात्मक रुपमा हेरिएको छ ।

शुक्रबार भएको वडा अधिवेशनका क्रममा कांग्रेसले उनलाई सर्वसम्मत रुपमा वडा सभापति बनाए पछि उनी सबै भन्दा कम उमेरकी सभापति बनेकी छन् । उनलाई सभापति बनाउन अन्य दाबेदारले पनि साथ दिएका थिए।

सानै उमेरमा कांग्रेसको स्थानीय नेतृत्व सम्हालेपछि उनलाई आफन्त, इष्ट मित्र र कांग्रेसजनले बधाई दिइरहेका छन्। कांग्रेसले पछिल्लो समय युवाहरुलाई नेतृत्वमा ल्याउने प्रयास गरिरहेको छ। नेतृत्वमा पाका नेताहरु भए पनि तल्लो तहमा विस्तारै युवाहरुको जमात बढिरहेको छ।

दुल्लु नगरपालिका प्रमुख एवम् कांग्रेस नेता भुपेन्द्र भण्डारीले युवाहरुलाई नेतृत्वमा ल्याउने पार्टीको नीति अनुसार नै स्वस्तिकालाई वडा सभापति बनाइएको बताएका छन्।

स्वस्तिकाका पिता एवम् कांग्रेस दैलेखका तत्कालीन उपसभापति भुपेन्द्रजंग महतको २०७६ कात्तिकमा डेंगु संक्रमणका कारण निधन भएको थियो। डेंगु भएपछि उनी उपचारका लागि भारतको दिल्लीस्थित एपोलो अस्पताल पुगेका थिए। भारतको मुम्बई भ्रमणका क्रममा बिरामी परेपछि दिल्लीमा उपचारका क्रममा उनको निधन भएको थियो।

स्वस्तिका पनि बुवाकै पदचाप पछ्याउँदै कांग्रेसको राजनीति लागेकी छन्। उनलाई सानै उमेरमा कांग्रेसले गाउँको कमाण्ड सुम्पिएपछि अन्य दलका नेताले पनि प्रशंसा गरेका छन्।

तपाईको प्रतिक्रिया

सम्बन्धित समाचार