के नाना पाटेकरसँग फिल्म खेल्दैछन् प्रदीप ?

‘प्रेमगीत ३’ अभिनेता प्रदीप खड्का पछिल्लो समय धेरैजसो मुम्बईमा रहने गरेका छन् । फिल्म ‘प्रेमगीत ३’ हिन्दी डबिङको सिलसिलामा करिब २ बर्ष मुम्बई बिताएका उनको भारतीय सेलिब्रेटीसँग पनि उठबस हुन थालेको छ । जसको पुष्टि उनले सामाजिक सञ्जालबाट सार्वजनिक गर्ने तस्बिरबाट पनि अनुमान लगाउन सकिन्छ ।

केही अगाडि अभिनेत्री सोनाक्षी सिन्हासँग देखिएका थिए । एक फिल्मको प्रिमिएरमा सोनाक्षी र प्रदीपले गफ गरेको भिडियो समेत सार्वजनिक भएको थियो । 

यसैबीच, अभिनेता खड्का बलिउडका चर्चित कलाकार नाना पाटेकरसँग देखिएका छन् । निर्माता सन्तोष सेनले सामाजिक सञ्जालबाट सार्वजनिक गरेको एक तस्वीरमा प्रदीप र सन्तोष नाना पाटेकरसँग देख्न सकिन्छ । सन्तोषले कलाले कुनै देश र भाषा नभन्ने भन्दै तस्बिर सार्वजनिक गरेका हुन् । 

पाटेकरसँग प्रदीप र सेनको कहाँ र कहिले भट भयो भन्ने खुलाइएको छैन । पछिल्लो समय नेपाली मिडियामा प्रदीपले बलिउड फिल्ममा काम गर्न लागेको चर्चा छ । कतिले पाटेकरसँग प्रदीप फिल्म खेल्न लागेको अनुमान समेत गरेका छन् ।

तपाईको प्रतिक्रिया

सम्बन्धित समाचार